Kiko SI ke men pa pueblo?
SI ke men ku:

• -    Porfin Kòrsou ta sali for di Antia.
• -    Porfin gobièrnunan por traha pa pueblo na lugá di maha ku struktura estatal.
• -    Porfin tur plaka di belasting di Kòrsou ta keda pa Kòrsou na lugá di bai pa otro isla tambe.
• -    Porfin plaka di pueblo ta keda pa pueblo na lugá di paga debe kuné.
• -    Porfin debenan ta stòp di kome benefisionan sosial di pueblo.
• -    Porfin penshun di amptenar i di maestronan di skol ta sigurá.
• -    Porfin nos kuido médiko por bin drecha atrobe.
• -    Porfin ta bini mas trabou pa pueblo.
• -    Porfin pueblo ta haña un futuro den su mes pais.
• -    Porfin tin porvenir pa nos yunan bini bèk ora nan kaba di studia afó.

Kiko NO ke men pa pueblo?
NO ke men ku:

• -    Henter e pakete ku gobièrnu a logra, ta kita fo’i mesa.
• -    Mester kuminsá negoshá kompletamente di nobo.
• -    Kòrsou lo mester negoshá ku polítikonan Hulandes ku ke saka Kòrsou for di Reino Hulandes.
• -    Pueblo por hañ’é ku un independensia total, sin ku pueblo ke.
• -    Hulanda no ta solushoná nos debe mas.
• -    Penshun di amptenar i maestronan di skol ta kore peliger direkto.
• -    Mester bini ku medida pisá pa gobièrnu por paga su gastunan i su debenan.
• -    Forsa di kompra ta bai atras, i esei ta pone negoshinan tambe bai atras.
• -    Hendenan ta pèrdè trabou; e ora ei gobièrnu ta haña ménos belasten, i ta bini mas medida atrobe.
• -    Votando NO, nos ta kita chènsnan for di nos yunan, ku nos sí a haña den bida.

P’esei nos ta desidido. Vota SI.