Kondishon i regla kontèst di rèp VOTA SÍ

Rèp kòntèst:    Djabièrnè 24 di aprel 2009
Orario:            7 ‘or pa 10 ‘or di anochi
Sitio:               Brionplein  


Kondishon pa Partisipashon

• •E kompetensia ta habri pa hóbennan di tur nashonalidat ku tin edat entre 16 pa 24 aña riba e dia di referèndem.
• •Partisipantenan mester a yena e formulario di inskripshon ,por entrega e formulario di inskripshon te ku 23 di aprel 2009, 12’or di mèrdia na sede di PNP, PAR i FOL. Por haña e formulario - klèk aki - òf na sede di PNP, PAR i FOL.
• •E tópiko pa e rèp mester ta “Dikon hóbennan ta vota SÍ”.
• •Partisipashon por ta individual, duo, òf den grupo.
• •Na momentu di registrá e partisipante ta bai di akuerdo ku tur kondishon i reglanan di e kompetensia
• •E letranan di e rèp mester ta konsistí di por lo ménos 70% di e idioma Papiamentu.
• •E kontenido di e rèp no por kontené palabranan insolente ni diskriminatorio a base di rasa, kolo, kredo òf étika moral
• •E rèp mester tin 2 (dos) vershon. Un di 2 (dos) minüt i e otro di 30 (trinta) sekònde. E rèp no por pasa 2 minüt, si esaki sosodé e partisipante lo keda deskualifiká.
• •Tur dos vershonnan  mester  ta graba riba un (1)cd konhuntamente.
• •CD i letra  por keda entregá te ku djaweps 23 di aprel entre  2 ‘or  i  4 ‘or di atardi na e restorant di Hotèl Otrobanda.
• •E komishon di rèp ta reservá e derechi  pa rechasá e komposishonnan ku no ta kuadrá ku e kriterionan.

Reglanan di Presentashon

• •Durante di presentashon por hasi uso di kreatividat; por hasi uso di efektonan  spesial pero ta prohibí pa hasi uso di kandela  i/òf vürwèrk.
• •No ta nesesario pa kuminsá riba steich, por hasi uso di kada banda di esaki.
• •Final di e shou si mester ta riba steich.
• •No ta permití niun partisipante ekspresá palabra, gesto, moveshon, komportashon i òf vestuario bulgar promé, durante òf despues aktuashon. Esaki lo keda mirá komo violashon i mesora lo deskualifiká e partisipante. Lo no tin diskushon riba e kaso.
• •Ta prohibí pa ta bou di influensia di supstansianan  manera alkohòl  òf droga.
• •Si dado kaso por tin algun inkumbinensia ku e muzik durante di e shou, e hurado lo ta e úniko  outorisá pa para e muzik.
• •Tur partisipante mester ta presente 1 (un) ora promé na e aktividat pa registrá pa presentashon, partisipantenan ku no tan na tempu lo keda deskualifiká.
• •Na kuminsamentu di e shou lo anunsiá ta ken ta miembronan di hurado.
• •Desishon di hurado ta na final di e anochi.

Kriterio pa Husga

• Peso di e informashon den letra
• Rèp mester ta sinkronisá ku melodia
• Pronunsiashon
• Presentashon: energia i presentashon riba steich, aktuashon
• Vestuario
• Animashon di e partisipante
• Popularidat

Pa mas informashon:  514 5332 òf 695 3466