|
Written by Administrator on Monday, 20 April 2009 14:19
|
Grupo-NO ta grita ku e kos ku gobièrnu a regla, no ta un Kòrsou Outónomo den Reino. Ta djis un Antia Restrukturá, pasobra Kòrsou lo sigui traha ku otro isla riba algun punto. Esei ta bèrdat? Esei no ta bèrdat. Si ta asina, pakiko ora Aruba traha huntu ku e otro islanan, nan no ta yama Aruba un Antia restrukturá? Despues ku Aruba a haña su Status Aparte, Aruba a sigui traha ku nos riba entre otro:
- Korte Komun di Hustisia
- Diferente lei sivil i penal
- Tereno marítimo i di aviashon
- Instanshanan manera G.O.G. i Klínika Capriles
- Fondo di solidaridat, pa yuda e islanan chikitu.
Tòg Grupo-NO ta gaba e outonomia di Aruba mashá. Pakiko ora Kòrsou traha huntu riba algun tereno, e ora ei sí nan ta grita ku Kòrsou ta djis un Antia restrukturá?
|
|
Section: Articles -
File Under: Pregunta di Pueblo |
|
|
|
Written by Administrator on Monday, 20 April 2009 14:24
|
Grupo-NO ta grita ku si nos vota SI, nos mester kasa parehanan homoseksual na Kòrsou. Esei ta bèrdat? Esei no ta bèrdat. Kòrsou mes ta disidí si parehanan homoseksual por kasa na Kòrsou. Ta otro asuntu si ta pareha ku a kasa kaba na Hulanda. E ora ei Kòrsou lo rekonosé nan akta di matrimonio, meskos ku Hulanda ta aseptá tur akta ofisial di Kòrsou i tur sentensia di hues na Kòrsou.
Por ehèmpel, Hulanda mester ehekutá bo tèstamènt òf akta di matrimonio òf fayesimentu, maske e akta ta trahá na Kòrsou. Meskos tambe Kòrsou mester inskribí un matrimonio homoseksual si e pareha a kasa na Hulanda. Pero Kòrsou mes ta disidí si parehanan homoseksual por kasa na Kòrsou.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 14:31
|
Grupo-NO ta grita ku Kòrsou a bende su pueblo ku Hulanda pa un saku di plaka. Esei ta bèrdat?
Diferente lider di Grupo-NO mes a pidi Hulanda na 2005 pa paga nos debenan pa nos kuminsá nos pais nobo ku un situashon salú. Tin dokumento di esei, ku nan firma ariba. Eiden nan mes ta pidi tambe pa kòntròl finansiero, pa evitá ku nos ta bolbe krea debe asina grandi den futuro. Tur partido ku tabata den konseho insular na 2005 tabata ke esei.
Nan a pidi Hulanda yuda, pasobra nan sa bon kiko ta pará den ‘Rapport Schuldenproblematiek’ ku a sali na 2004. E rapòrt ei a mustra hopi kla kon Kòrsou lo sufri si no bini un solushon lihé pa e debenan. E rapòrt ei ta skirbí pa señores Emsley Tromp, señor Ron Gomes Casseres i señor Gregory Damoen. E mesun señor Damoen ku awe ta bisa pueblo pa vota NO.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 14:47
|
Grupo-NO ta grita ku nos ta keda mará pa semper na kòntròl finansiero di Hulanda. Esei ta bèrdat?
Diferente lider di Grupo-NO mes a pidi Hulanda na 2005 pa paga nos debenan pa nos kuminsá nos pais nobo ku un situashon salú. Tin dokumento di esei, ku nan firma ariba. Eiden nan mes ta pidi tambe pa kòntròl finansiero, pa evitá ku nos ta bolbe krea debe asina grandi den futuro. Tur partido ku tabata den konseho insular na 2005 tabata ke esei.
Nan a pidi Hulanda yuda, pasobra nan sa bon kiko ta pará den ‘Rapport Schuldenproblematiek’ ku a sali na 2004. E rapòrt ei a mustra hopi kla kon Kòrsou lo sufri si no bini un solushon lihé pa e debenan. E rapòrt ei ta skirbí pa señores Emsley Tromp, señor Ron Gomes Casseres i señor Gregory Damoen. E mesun señor Damoen ku awe ta bisa pueblo pa vota NO.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 14:53
|
Grupo-NO ta bisa ku nos ta pèrdè nos dignidat si nos vota SI. Esei ta bèrdat?
Al kontrario. SI ta muestra di dignidat. Pasobra dignidat ke men ku bo por biba un bida humano, ku atenshon pa bo kuido sosial i kuido spiritual. Pa biba un bida humano, pueblo mester di trabou, kuido di salú, enseñansa, penshun di behes i otro benefisionan. Tur esaki ta kosta plaka. I tur esaki ta posibel solamente si nos vota SI. Pasobra SI ta kita e debe for di nos lomba pa nos pueblo por biba un bida digno. I tambe SI ta hasi Kòrsou outónomo den Reino manera pueblo a pidi.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 14:54
|
Grupo-NO ta bisa ku si nos ta hende orguyoso, nos mester vota NO. Esei ta bèrdat?
Al kontrario. Nèt komo hende orguyoso nos mester krea e kondishonnan pa desaroyá nos mes i bai dilanti. Nèt hende orguyoso ta hasi tur loke nan por pa duna nan yunan un mihó chèns den bida. SI ta duna nos pais un chèns úniko den historia pa laga nos problemanan nos tras i krea un futuro fuerte pa nos mes i nos yunan.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 14:58
|
Grupo-NO ta bisa ku nos mester keda firme kontra Hulanda i vota NO, pa motibu di nos historia. Esei ta bèrdat?
Apsolutamente ku nò. Pasobra a pesar di nos historia, mitar pueblo di Kòrsou ta biba na Hulanda. Esei ta proba ku – maske kon importante nos historia ta – tòg ta importante tambe pa tur hende tin un bon base pa biba, siña, traha i desaroyá su mes. Si tòg nos pueblo ta bai Hulanda ora bida bira difísil, ta mihó nos aseptá e solushon di debe di Hulanda, pa nos por drecha nos mes pais, i keda biba akinan. Pasobra t’aki ta nos kas.
|
|
Section: Articles -
File Under: Pregunta di Pueblo |
|
|
|
|
|
|
|
Page 1 of 3 |
