|
Written by Administrator on Monday, 20 April 2009 15:42
|
Grupo-NO ta bisa ku pueblo a vota pa nos haña nos mes Banko Sentral, i awor nos lo kompartí un Banko Sentral ku Sint Maarten. Esei ta bèrdat?
Niun tiki so. Boletin di referèndem di 2005 ta bisa tekstualmente: “Un státus outónomo pa Kòrsou no ta ekskluí un union monetario i ekonómiko entre e islanan.” Esaki ta proba ku niun momentu so pueblo no a vota pa nos haña nos mes Banko Sentral. Tabata bon konosí for di antemano ku asta komo pais outónomo, Kòrsou i Sint Maarten por mantené un union monetario. Esei ta enserá un Banko Sentral huntu.
Mester bisa tambe ku 8 isla independiente den Karibe, tambe ta forma un union monetario i ta kompartí Eastern Caribbean Central Bank. Esei no a kita nada for di nan independensia.
|
|
Section: Articles -
File Under: Pregunta di Pueblo |
|
|
|
Written by Administrator on Monday, 20 April 2009 15:44
|
Grupo-NO ta bisa ku nan por negoshá un mihó dil pa nos. Esei ta bèrdat?
Esei ta simplemente imposibel. - -Den e pakete ku tin awor riba mesa, ya kaba Kòrsou ta haña tur tarea ku Antia tin awor a base di Statuut. Statuut no tin mas outonomia pa duna. Ke men si bo kuminsá negoshá di nobo, ta imposibel pa bo haña mas outonomia.
- -Si pueblo vota NO, henter e pakete ta baha fo’i mesa. Tambe e partinan ku ta hopi bon pa Kòrsou. Kòrsou mester kuminsá negoshá kompletamente di nobo. Anto Kòrsou so. Pasobra e otro islanan si ta sigui kana bai pa kaba e trayekto.
- -Kòrsou ta hañ’é ta negoshá ku Hulanda, den un tempu ku Hulanda ta tumando medida pa su mes pueblo, debí na e krisis finansiero den mundu. Ta imposibel pa pensa mes ku Hulanda lo yuda Kòrsou pa solushoná nos debenan, manera tur partido polítiko huntu a pidi Hulanda na 2005.
- -Kòrsou ta hañ’é ta negoshá ku polítikonan Hulandes ku tin un meta fiho: saka Kòrsou for di Reino Hulandes. Pasobra ta e polítikonan ei ta mas popular awendia na Hulanda. Esaki ta presis kontra di loke e pueblo di Kòrsou a pidi p’e den referèndem na 2005: bira outónomo den Reino Hulandes.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 15:47
|
Grupo-NO ta bisa ku nos ta pèrdè outonomia ku Doktor a bringa p’e. Esei ta bèrdat?
Ora ta kumbiní, grupo-NO ta gaba e outonomia ku Doktor a logra pa Antia den Statuut. Pero ora ta papia di parti debe di Antia, Grupo-NO no ke tende nada di Antia. Grupo-NO ta bisa ku Antia ta un konstrukshon di Hulanda, awèl Hulanda mes keda ku e debe di Antia. Esaki ta otro prueba ku grupo-NO ta hunga ku pueblo di Kòrsou.
|
|
Section: Articles -
File Under: Pregunta di Pueblo |
|
|
|
|
|
Page 3 of 3 |
