|
Written by Administrator on Monday, 20 April 2009 15:02
|
Grupo-Nò ta bisa ku Kòrsou no tin nodi di tuma e parti di debe ku Kòrsou ta heredá di Antia Hulandes. Esei ta korekto?
Esei no ta korekto. Si Kòrsou no tuma parti di e debenan di Antia, e ora ei Kòrsou no por tuma parti di e bienes di Antia tampoko. Antia no tin debe so. Antia tin bienes tambe, por ehèmpel edifisio, tereno, akshon den kompania di gobièrnu manera UTS, i tambe partisipashon den instanshanan manera Fondo di Penshun (APNA), Banko di Seguro Sosial (SVB) i Banko Sentral. Awor ku tur isla ta sali for di Antia, e islanan huntu ku Antia mester fiha balor di tur bienes i tur debe pa parti nan.
|
|
Section: Articles -
File Under: Pregunta di Pueblo |
|
|
|
Written by Administrator on Monday, 20 April 2009 15:04
|
Grupo-Nò ta bisa ku si nos bende Isla, nos ta por paga tur nos debe i sali for di tur problema. Esei ta bèrdat?
Esei no ta bèrdat. Nos debe ta un buraku hopi hundu. Te na unda mes nos por paga tur e debe ku benta di Isla, tur e plaka ta bai den e buraku. Lo bo no por kobra hür mas komo doño di e refineria. Ke men bo ta tapa un buraku akibanda, krea otro buraku ayabanda. I pa kolmo bo ta pèrdè e teritorio di mas mihó na Kòrsou, situá den barika di nos haf.
Figurabu: Nós generashon a krea un buraku hundu di debe. I na lugá di laga Hulanda tuma nos debe, nos generashon ta bende e patrimonio di mas grandi di nos pais, pa tapa e buraku kuné. Esei lo ta un krueldat.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 15:06
|
Grupo-Nò ta bisa ku hende lo sigui invertí i lanta negoshi tòg na Kòrsou, maske nos vota Nò. Esei ta bèrdat?
Pensabo bon. Abo lo invertí na Kòrsou si pueblo no tin moda di gasta? Bo ta tuma riesgo pa lanta un negoshi solamente si bo tin e konfiansa ku e negoshi ta duna fruta. Si Kòrsou vota NO, gobièrnu di Kòrsou nó ta haña un solushon kla i definitivo pa su debenan. E ora ei gobièrnu lo mester tuma medidanan hopi pisá pa e por paga tur su debenan bèk. Medida ke men ku – di un òf otro forma - gobièrnu ta kita mas sèn for di pueblo pa e mes haña mas. Por ehèmpel, gobièrnu ta kobra mas OB òf e ta kobra mas pa su sèrvisionan. E ora ei pueblo ta sobra ménos pa gasta i negoshinan ta pèrdè plaka. Abo lo no tribi di lanta negoshi den un situashon asina. Ni otro hende tampoko.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 15:09
|
Grupo-Nò ta bisa ku pueblo no ta gana nada ku e debe ku Hulanda ta paga, pasobra ta bankonan so ta haña tur sèn. Esei ta bèrdat?
Pueblo TA benefisiá di solushon di debe.
Ban kompará. Abo ta tata di famia. Bo debe un banko asina tantu sèn, ku no ta sobra nada fin di luna pa bo yunan kome, bisti i biba. Bo ta pidi un ruman pa paga gran parti di debe pa bo. Kon bo ruman mester hasi esei? E mester parti un saku di sèn entre bo yunan? Natural ku nò. Esei no ta yuda ku nada, pasobra e debe ta keda eksistí. Bo ke pa bo ruman paga e debe na e banko. Asina bo mes ta sobra sèn tur luna pa sòru pa bo yunan kome, bisti i biba.
Ku e debe di Kòrsou ta meskos. Kòrsou debe institutonan manera nos fondo di penshun, nos banko di seguro sosial, bankonan komersial i otronan. Hulanda ta kubri gran parti di e debe. Si Hulanda kana parti un saku di plaka entre pueblo di Kòrsou, e problema ta keda eksistí. P’esei Hulanda ta pone e plaka disponibel pa gobièrnu paga tur esnan ku gobièrnu debe. E ora ei gobièrnu no mester usa plaka di pueblo mas pa paga debe. Plaka di pueblo ta keda e ora ei pa benefisionan di pueblo mes, manera skol, kas, kaminda, salú públiko, kuido sosial, etc. Meskos ku den e ehèmpel akiriba, kaminda bo ta sobra sèn pa sòru pa bo yunan biba.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 15:13
|
Grupo-NO ta bisa ku si bo ta duda, mihó bo vota NO ya tur kos ta keda meskos ku e ta awor. Esei ta bèrdat?
Apsolutamente ku nò. Nada no ta keda meskos. No por para e trayekto estatal. E trein ei ta kore kaba. Un voto pa NO ta isolá Kòrsou for di e otro islanan ku sí ta sigui nan trayekto estatal. Tur loke Kòrsou a gana durante tres aña di negosashon, ta bai pèrdí. Kòrsou lo mester negoshá – e so pará – ku partidonan Hulandes ku ke saka Kòrsou for di Reino. E klima finansiero na mundu i na Hulanda lo strobe Hulanda di bolbe aseptá pa paga nos debenan.
Un voto pa NO tin konsekuensia pa nos finansas i nos nivel di bida. No tin niun alternativa realista pa Kòrsou paga su debenan. Esei ta pone ku benefisionan pa pueblo ta sigui bai atras, i gobièrnu lo mestér tuma medida riba pueblo pa subi su entradanan.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 15:33
|
Simpatisantenan di Grupo-NO ta bisa ku makambanan ta stroba desaroyo di nos pueblo. P’esei nos mester vota NO pa para nan. Esei ta bèrdat?
Si esei tabata bèrdat, kon bini anto nos pueblo tin e mihó benefisionan sosial den henter Karibe i Latino-Amerika? B’a yega di tende nunka ku nos hendenan ta bai biba na un otro isla den Karibe pa buska un mihó futuro? Probablemente nò. Pero hopi aña kaba miles di hende ta bini for di otro isla i pais den nos region, pa buska un mihó futuro na Kòrsou. Pasobra Kòrsou tin mihó benefisio sosial i mas chèns pa traha bai dilanti. Ke men, hende ku bisa ku makamba a stroba desaroyo di nos pueblo, ta gaña ku e úniko meta pa instigá hende kontra hende.
|
|
Section: Articles -
File Under: Pregunta di Pueblo |
|
|
Written by Administrator on Monday, 20 April 2009 15:36
|
Simpatisantenan di Grupo-NO ta bisa ku makambanan ta bin kumpra tur nos propiedatnan. Esei ta bèrdat?
Si estranheronan ta kumpra nos propiedatnan, ta pasobra nos mes ta bend’é. I ta nos mes ta traha, respetá òf violá nos leinan ku ta regla kua parti di Kòrsou por usa pa kua meta. Nada di esei no tin keber ku referèndem, ni SI, ni NO.
|
|
Section: Articles -
File Under: Pregunta di Pueblo |
|
|
|
|
|
|
|
Page 2 of 3 |
